Diseño Web: Komphession Audiovisual © 2010
Bermeoko Abesbatza
Castellano Euskera
         2017
Urteari hasiera emoteko, beti bezala, Begoñako Basilikan ospatzen den Bizkaiko aste koralan egon ginan, otsailak 15an.
Martxoaren 14an, José Antonio Eguíaren jaiotzaren ehungarren urteurrena zan, aipatzekoa da  gure abesbatzaren zuzendaria izan zala, konpositorea eta Bermeoko udal musika eskolak ere bere izena daroa, horregaitik bertako ikasleekaz eta irakasleekaz kontzertu bateratu bat egin gendun.
Martxoaren 25an Udabarriko lehen kontzertua euki gendun Bermeoko Andra Mari elizan. Ondorengo kontzertuak maiatzaren 19an Mañarian eta ekainaren 3an Durangon izan ziran.
      Apirilaren 6an, Indautxuko Jesuiten “Ars Viva”-k antolatutako    Musika sakroaren astean partaide izan ginan.
Apirilaren 29an, barriro izan ginan konbidatuak Gernikako “ Bakearen doinuan”-en seigarren ediziora. Artur Sustatxaren zuzendaritza bikaina euki gendun.
Ekainaren 17an, eta José Antonio Eguíaren omenez egindako ekintzen barruan, Bermeon ospatzen dan urteroko txistularien alardean bere abesti batzuk kantatu genduzan.
Azaroan,  Bermeoko Sancti Spiritus egoitzako egoileei  bisita egin geuntson. Beti bezala, oso pozik eta eskertuz agertu jakuzan. Hilabete bardin barruan, gure zaindaria dan Santa Zeziliari omenez egindako kalejira egin gendun.
Urte amaera helduz batera, emonaldi barri bi: Casinoko gela nagusian egindako kontzertua, eta “Eutsi gogor, danok batera” herriko beharrizan ezbardinak dabezan haurren aldeko kontzertu solidarioan parte-hartzeko gonbidapena izan gendun.